Ucraína 2014. As sancións internacionais, debates e consecuencias globais

Abstract

A partir do golpe de Estado contra o presidente ucraíno Viktor Yanukovich (febreiro de 2014), do plebiscito en Crimea e da súa incorporación como parte da Federación de Rusia (marzo) sucedéronse niveis crecentes de sancións e de tensións entre Occidente e Moscova. A prolongación do conflito armado en Ucraína Oriental, se ben recentemente diminuído en canto á súa intensidade, incrementou o nivel das sancións e da desconfianza mutua, provocando dificultades económicas, principalmente para Rusia e Europa, así como a busca de novos socios estratéxicos. Nese sentido, a crise ucraína semella revelar en qué medida as relacións ruso-occidentais saíron sensiblemente prexudicadas toda vez pode albiscarse un aparente e único gañador, Asia e particularmente China, á vista do incremento do seu comercio e cooperación con Rusia.