Apiahy, provinciae Sancti Paoli Brasiliae meridionalis, oppidulum est jucundissimum, collibus uberrimis montibusque sylvosis circumcinctum, aere purissimo, cielo, altitudinis caussa, modice calido atque parce humido donatum.
Fungi, quos nunc (vix nonnullis anno 1881 in quarto Argei) - tinorum fungorum pugillo editis) publici juris facio, ex ejusdem regione, nec non e finitimis Iporanga Xiririca et Iguape, omnes provenientes, a praeclaro medicinae Doctore Johanne Puiggari, Barcinensi, ob suas fanerogamarum cryptogamarumque pulcherrimas collectiones notissimo, lecti fuerunt; et ego strenuissimo scientiae Vexillario sedulissimoque naturae Inquisitori palam gratias quam maximas ago.